حبيبى طول غيابك

يناديلك خفوق محتويه الشوق يا خلي

واناديلك معه واصرخ حبيبي طول غيابك

حبيبي طالبك بالله انا في غيبتك من لي

سوى قلب من أشواقه وقف يبكي على بابك

حبيبي في غيابك من يرد الدمع يا خلي

رحلت بعيد وابقيته يعذب سيد احبابك

دخيلك يا بعد روحي اعرفك ما تبي ذلي

دخيلك ارجع امسحها مدام اهدابي اهدابك

خلااص ارجع حبيبي بس متى ترجع متى قلي

واسويلك فرح يحظي على استحسان اعجابك

انا الولهان لك بالحيل انا المشتاق لك يلي

احبك يا حياتي ويا غناتي واعشق ترابك

لو تسافر ولو ترحل أظل ابغاك يا خلي

واظل اصرخ واناديلك حبيبي طول غيابك