نكت أردنية من الآخر

- في ثلاثة راحوا السينما.... واحد أعمى وواحد اطرش وواحد أحول ..... الاعمى يقول : انا سمعت الفلم كله لكن ما شفت منه شيء الاطرش يقول : انا شفت الفلم كله لكن ما سمعت منها شيء الأحول يقول : انا احسن منكم شفته مرتين


2-حوار عائلة الطرشان
الأبن : يابه بدي خيار

الأب : لحقي يا مره ولدك بده دينار

الأم : لحقي يا بنت أخوكي يلعب قمار

البنت : يا جدة أمي دخل برجلها مسمار

الجدة : هذا إللي ناقص يطلعوني من الدار

3- كان في وحدة جيش فيها جنود جدد وكان في عسكري محشش معهم اعلنوا في الوحدة بزيارة قائد الجيش وحكوا للعسكر إذا سالكوا القائد عن عمركم بتقلولوا 81 سنة وعن خدمتكم بتحكوا سنتين وإذا سالكوا عن ايش بترموا على الرشاش ولا على المدفع بتحكوا على الجهتين سيدي .
أجى القائد فوقف قدام العسكري الطافي وسأله كم عمرك ، رد عليه سنيتن رجع سأله كم خدمتك : رد عليه 81 سنة فحكالوا القائد أنت مجنون ولا هبيلة يا عسكري ، فرد عليه على الجهتين يا سيدي

4- مرة واحد اتفق هو وأخته انه تخبره بنتيجته بالإمتحانات على التلفون وعشان التمويه اذا طلع عليه ماده تقله "بسلم عليك محمد" واذا طلع عليه مادتين تقله "بسلم عليك محمدين".
المهم يوم النتائج حكت معه أخته تلفون ، بقوللها اه بشري ، قالتله : "بتسلم عليك امة محمد كلها"

5- مره واحد كان بيصلي فسمع اثنين بمدحوا بصلاته , ترك الصلاه وقام حكالهم : وهاد وهيك من غير وضوء

6- شو وجه الشبه بين اميركا وبامبرز؟
الاثنين مسيطرين على الوضع تمام

7- طنطات عملوا بعمان مظاهره ضد الحرب على العراق وحملوا لافته مكتوب عليها بوش عن جد بلا بياخه

8- سألوا محشش : كيف وضعك مع الصيام ؟ قال : والله لولا الوضو كان متنا من العطش ...!

9- مرة واحد الله رزقه بسيارة حديثة جدآ وكل شي فيها على الكمبيوتر, والكمبيوتر يلي فيها بصلح كلشي بدون ما يروح على الوكالة....

المهم اجى وحب يجرب هاي القصة,فخبط الباب اليمين فنطعج شوي,اجى الكمبيوتر وقال:يا أيها الباب ارجع كما كنت,فرجع

رد خبط الباب التاني,ونفس الشي الكمبيوتر قال يا ايها الباب ارجع كما كنت, فرجع...

و عجبته القصة فكبرت بدماغه ودماغه جزمة اديمة..

فحب يجربها على الجسر..فشد وحط خامس وهوووووووب من فوق الجسر...

اجى الكمبيوتر وصاح بأعلى صوته:با أيها النفس المطمئنة